Haste hue chehere mein
ek chehra bujha sa hai
khilkhilati hansee mein
dard kahin chupa sa hai
kisiko milane ki hai khushi
kisiko bichadane ka hai gam
har cheez toh hai pass
fir bhi kuch hai kam
kyu yaad nai aata
dosto sang kya thi jindagi
har dard jab sunaya tha
aur banti thi har khushi
duniya bhar ki hai khabar
par pata nai kahan hai yaar
kyuin toot ke reh gaye
dil se vo dilo ke taar
kyu bhaag rahe hai sab
duniya ki daud mein yahan
khud ko kho baithe hain
bheed mein jaane kahan
ghar hote hue bhi
kyu usamein ab reh nai pate
aapno saang vo pyari shaam
kyu ab bita nahin pate
kyu ghas mein nange paav
ab tum tehlte nai
sab kuch toh hai pass
fir bhi dil behlte nai
kyo dhoop ki sek
ab tumhein chubh jati hai
kyu shaam ki thandi hawa
band khidkiyo se takrati hai
tham jao aur dekho
kitani haseen hai duniya
aapno se poocho toh sahi
unke bhi kisse kahaniya
zindagi choti si hai
khul ke hans lo zara
kal raho ya na raho
aaj hi jee lo zara
No comments:
Post a Comment