Cheekh utha tha dard se
Seena bharat maa ka tab
Khoon se bachcho ke apane
Ranga uska anchal jab
Beh nikali aansu ki dhara
Tut gai himmat bhi tab
Kandha jawan bete ko
Diya budhe baap ne jab
Nikal gai seene se jaan
Tham gaya tha waqt bhi tab
Nirjeev bete ko seene se
Lagaya bilakhti maa ne jab
Chudi tuti mit gaye rang
Khamosh ho gae sabke lab
Lipat tirange mein uska
Saathi laut ke aya jab
Nanhi jaan ko samjh na aaye
Papa usake kyu nahi aaye
Godi mein utha kr bitiya ko
Jhoola ab kaun jhulae
Kone mein ek behen khadi thi
Tofe raakhi ke dekh rahi thi
Gudiya senne se lagaye
Chupke chupke ro rahi thi
Dil bhara hai aankhein nam hai
Sabke ke dilmein ek hi gam hai
Kyun har baar jaan ko apani
Ek sainik hi khota hai
Kyun balidaan ke baad bhi
Insaaf kahin nahi hota hai
